في مدونة جديدة ومتميزة بعنوان (أنا ودماغي) قريت تدوين عن تكريم اليابان الدائم لبطل الجودو الفضي وبطل الرياضة الماسي محمد علي رشوان..وحكاية رشوان معروفة للجميع بس لا مانع لتكرارها كنوع من الفشخرة بان الراجل ده ابن بلدي..لاعب جودو مصري يصل لنهائي وزنه فى اولمبياد لوس انجيليس 84 وهو من بلد لم تذق طعم الذهب الأوليمبى منذ حوالي نصف قرن..وهيلاعب بطل العالم ياماشيتا في النهائي وفي بداية المباراة ياماشيتا يتصاب في ركبيته اليمني إصابة تخلي رشوان لو داس على رجله يعلن انسحابه او على اضعف الايمان يسيبه يشيله ويرزعه واحد ايبون يخلص بيه الذهب..لو مكانه تعمل ايه؟؟ تاخد الذهب والملايين والتكريم والشهرة والناس هتنسى قدام فرحة المكسب؟؟ ولا تختار انك تكسب احترامك لنفسك قبل احترام الناس ليك وتلعب بشرف وباخلاق الفرسان؟ رشوان اختار الشرف ولعب بشرف واتغلب بشرف ومن يومها وهو رمز للجودو في اليابان اللي هي مهد اللعبة..بيفرجوا الناشئين على الماتش ويعلموهم يعني ايه رياضة ويعنى ايه شرف واحترام..يعني ايه تختار الصح ولو على حساب الانتصار لان ده جوهر الرياضة والاخلاق..وعندنا في مصر محدش يعرف حاجة عن رشوان غير لما بيفتكروه كل اربع سنين مرة في وقت الاولمبياد ويكتبوا عنه صفحتين فى الاهرام الرياضي!!
على الجانب الاخر يقف قديس مصر الشهير بأبو تريكة وهو أفضل لاعب في مصر مهاريا وذهنيا وده شئ لا خلاف عليه ولكن..وخد بالك من لكن دي بقى..الاعلام مفيش وراه غير اخلاق ابو تريكة وتهذيب ابو تريكة وكرامات ابو تريكة اللى وصلت الموضوع ان فى ناس بتتصل به فى الحوارات التليفزيونية تطلب منه الدعاء لأولادهم..كل ده جميل لو الأمر فعلا يستحق الضجة دي (من تانى باكرر موضوع الاخلاق وليس الاداء عشان الاداء لا غبار عليه)..أبو تريكة أكتر لاعب في مصر ساعة ما الأمور تتأزم بيبدأ التمثيل على الحكام للحصول على ضربات جزاء..الموضوع شفته بعيني عشرات المرات حاضرني منهم الان الماتش الاخير امام المقاولون العرب وماتش كاس افريقيا امام السودان (والمرتين الحكم هرش وماشربش المقلب بس الحكم الافريقي اداله انذار والحكم المصري خاف!) والتمثيلية الشهيرة امام حرس الحدود فى الوقت الضائع من خارج منطقة الجزاء واللى الحكم حسبها ضربة جزاء الأهلي فاز بيها..عايز اعرف بقي على أي أساس يعامل مثل هذا الشخص على انه قديس وولي من أولياءالله الصالحين ودي أول وسيلة بيفكر فيها لما يلاقي المكسب بعيد عنه أنه يضحك على الحكم وياخد حاجة مش حقه..وخد بالك في عصر الاحتراف بتاعهم مكسب يعنى مكافأت وبطولات واعلانات وفلوس داخلة بيته وبطون ولاده..حد يرد عليا أحسن مرارتي بتتفقع كل ما اسمع بيمدحوا فيه وناسيين واحد زي رشوان اختار الاخلاق عن المكسب المشبوه
توضيح أخير لأي غبي يتهمني اني باكتب الكلام ده عشان زمالكاوي..انا فعلا زمالكاوي وممكن نختلف للصبح فى الكورة..لكن انا باشهد ان ابو تريكة احسن من كل لعيبة الزمالك فنيا..وباشهد ان الغالبية العظمي من لاعبي الزمالك عالم واطية والباقيين مش قمة فى الاحترم يعنى بشر بيصيبوا ويخطئوا..وانا باكتب على ابو تريكة تحديدا مش عشان اهلاوي ولكن عشان هو الوحيد اللى حواليه هالة اعلامية اخلاقية ملهاش علاقة بمستواه الفني..بس خلاص
على الجانب الاخر يقف قديس مصر الشهير بأبو تريكة وهو أفضل لاعب في مصر مهاريا وذهنيا وده شئ لا خلاف عليه ولكن..وخد بالك من لكن دي بقى..الاعلام مفيش وراه غير اخلاق ابو تريكة وتهذيب ابو تريكة وكرامات ابو تريكة اللى وصلت الموضوع ان فى ناس بتتصل به فى الحوارات التليفزيونية تطلب منه الدعاء لأولادهم..كل ده جميل لو الأمر فعلا يستحق الضجة دي (من تانى باكرر موضوع الاخلاق وليس الاداء عشان الاداء لا غبار عليه)..أبو تريكة أكتر لاعب في مصر ساعة ما الأمور تتأزم بيبدأ التمثيل على الحكام للحصول على ضربات جزاء..الموضوع شفته بعيني عشرات المرات حاضرني منهم الان الماتش الاخير امام المقاولون العرب وماتش كاس افريقيا امام السودان (والمرتين الحكم هرش وماشربش المقلب بس الحكم الافريقي اداله انذار والحكم المصري خاف!) والتمثيلية الشهيرة امام حرس الحدود فى الوقت الضائع من خارج منطقة الجزاء واللى الحكم حسبها ضربة جزاء الأهلي فاز بيها..عايز اعرف بقي على أي أساس يعامل مثل هذا الشخص على انه قديس وولي من أولياءالله الصالحين ودي أول وسيلة بيفكر فيها لما يلاقي المكسب بعيد عنه أنه يضحك على الحكم وياخد حاجة مش حقه..وخد بالك في عصر الاحتراف بتاعهم مكسب يعنى مكافأت وبطولات واعلانات وفلوس داخلة بيته وبطون ولاده..حد يرد عليا أحسن مرارتي بتتفقع كل ما اسمع بيمدحوا فيه وناسيين واحد زي رشوان اختار الاخلاق عن المكسب المشبوه
توضيح أخير لأي غبي يتهمني اني باكتب الكلام ده عشان زمالكاوي..انا فعلا زمالكاوي وممكن نختلف للصبح فى الكورة..لكن انا باشهد ان ابو تريكة احسن من كل لعيبة الزمالك فنيا..وباشهد ان الغالبية العظمي من لاعبي الزمالك عالم واطية والباقيين مش قمة فى الاحترم يعنى بشر بيصيبوا ويخطئوا..وانا باكتب على ابو تريكة تحديدا مش عشان اهلاوي ولكن عشان هو الوحيد اللى حواليه هالة اعلامية اخلاقية ملهاش علاقة بمستواه الفني..بس خلاص
3 comments:
بص هو أنا صحيح أهلاوي جدا جدا و بحب أبوتريكة برضه جدا جدا .. بس انت معاك حق في معظم كلامك .. أولا أبوتريكة فعلا مخطئ تماما في محاولاته عشان ياخد ضربة جزاء مش على حق ..( صحيح مش كل اللي انت قلتهم دول مش على حق ) بس المفروض واحد بقى قدوة لكل الشباب الصغير زي أبوتريكة يحاسب جدا جدا على كل أفعاله لأن أفعاله دلوقتي مابقتشي محسوبة على أبوتريكة الإنسان و لكن على أبوتريكة القديس اللي هوه المفروض مايغشش عشان يحقق هدفه... و فعلا أنا بتضايق جدا لما يحاول ياخد ضربة جزاء مش من حقه ..مع إنها عادي جدا من أي لاعب ( و بالمناسبة صحيح جمال حمزة أستاذ في كده:))
بس مش عادي أبدا من أبوتريكة .. و هوه اللي حط نفسه في المكانة دي فلازم يتحمل انه مايكونش إنسان عادي ...
أما حكاية ان ماحدش بيفتكر رشوان و كله مركز على أبوتريكة .. فده انت عارف طبعا بسبب كرة القدم و شهرتها اللي بتغطي على أي حاجة جنبها .. و الإعلام عندنا أساسا مش فارقه معاه إنه يقدم مثل عليا للشباب ..و إلا ماكناش شفنا 98% من البرامج اللي بتتعرض
جمال حمزة ماشي وانا قلت كلامي موجه لابو تريكة تحديدا لان الاعلام متخذة كرمز للاخلاق..وعلى فكرة سمعة جمال حمزة دي خلت حكام ساعات متحسبش ضربات جزاء سليمة بسبب تحفزهم لتمثيله.
الثلاث مواقف اللى ذكرتهم كلامي فيهم صحيح مليون فى المية ومثبت بالفيديو لو عايز تتأكد..قصدك انهى واحدة مش على حق؟
أنا ماقصدشي واحدة بالذات .. الحقيقة أنا مش فاكرهم بس أنا أقصد إن جايز تكون في حالات فيها شك .. بس أكيد بتاعة حرس الحدود مافيهاش جدال ... و أنا مش مختلف معاك في إن أبوتريكة اتحط سواء بمزاجه أو غصب عنه في مكانة و وضع يخلوه لازم يحاسب كويس أوي أوي على كل تصرف بيتصرفه
Post a Comment